Dumana sira è a notti di "allouin"! Ommai avi na para d'anni (puru chiù di na para a diri a virità) chi puru ccà in sicilia (beddhra mathri) si festeggia sta cazz'i festa! Comu si n'avissimu nenti autru i fari e pà serii: "avemu sti quattru soddi ancora e ni spunciamu cu n'autra festa di minchia"...e vabbè vistu e consideratu chi tantu passiamu da matina a sira di sti patti...megghiu minni mascaramu, ammenu pi na sira non ni facemu accanusciri! Giustu ppi gradiri vi lassu cakki cennu storicu dill'origini di sta "festa"

ALLOUIN è u nomi di sta festa popolari chi risali o periudu pre-cristianu, oggi tipicamenti miricana e canadisi!I sò origini primoddiali però s'atthrovunu 'ntò 4000 avanti Cristu, quannu i populi du tempu dividiunu l'annu 'nta ddui in basi a transumanza di boj. 'Ntò periudu ottobri-novembri a terra si pripara o 'nvennu e quinni è nicissariu  - ora comu allura - di puttari i boj 'ntompostu riparatu du friddu. Dittu chistu, rrivamu a nuatri...Chi c'entra a cucuzza  ca cannila di inthra? St'usanza nasci picchi l'antichi pinsaunu chi duranti a nuttata du 31 ottobri a brisciri du primu novembri, i motti vagannu peti peti, faciunu razzìa di cristianeddhri...e così puri i sthreghi bruciati 'nto medioevu! Quinni i vivi (cioè nuatri) pigghiamu na cucuzza...a svacantamu, ci disignamu na facci e ci mittemu na cannila di intrha e poi ni putemu 'ndari a cuccari chi è sicuru ca non ni succedi chiù nenti! Mah....sarà veru??? (fonte:wikipedia.it)

st'arrivannu!!